الروز بالدجاج بطريقة بسيطة

السلام عليكم ورحمة الله
الروز بلاصوص طوماط والدجاج ساهل وسريع تحضروه لعشائكم وحتا لغداكم وممكن تعوضوه بالحوت او غير حك الطون كيجي زوين ولديد الكمية حسب عدد الافراد

  الدجاج اما مقطع طريفات او طراف عاديين       مطيشة محكوكة تقريبا 4 -5                مطيشة الحك,الملح,البزار,سكينجبير,الطحميرة,
الربيع مقطع ,بصلة مشلضة ,كامون,خرقوم. التومة مدقوقة,توابل الشوارما الا متوفرين,زيت العود

الروز الكمية اللي بغيتو
الملح,البزار,زيت العود,2قعقلة,النويويرة, سكينجبير,عود القرفة

            *****************

نقلو الزيتوالعطرية ونضيفو الروز اتقلى جوج دقايق من بعد نزيدو الما يكون ضعف كمية الروز والا ختاجيناه من بعد نضيفو غير شويا ونخلوه اطيب ونشف من الما ونحركوه بفرشيط باش اتفرقو لحبات
فنفس الوقت نقلو الدجاج مع البصيلة والزيت والعطرية مزيان ونزيدو مطيشة محكوكة ومطيشة الحك والربيع ممكن تزيدو الما ما تكتروش نخلوهم اطيبو والصوص تعقاد
فطبق التقديم حطو الروز وحطو فوقو لاصوص عاد الدجاج ممكن ترشوه بشوية اللوز محمر وبالصحة والراحة

تحياتي ام جنات

منشورة في: مدونة ام جنات