وصلني تاق لطيف من الجميلات حنين و غيمة 9 شكراً لكم حبيباتي ♥
القوانين:
- التصريح بان الوسم من ابتكار the beau bow
- أختار 5 من مدونات الجمال
- أعنون الموضوع باسم الوسم
الاسئلة :
1) سمِ روتين جمالي نادراً تسويه؟
الخلطات الطبيعية. سواءاً كانت للوجه أو الجسم أو الشعر. نادراً أسويها.
2) هل غسل فرش المكياج حاجة دورية بالنسبة لكِ ؟
مرة ضروري عندي تنظيف الفرش خصوصاً فرش العين و أحب أخصص لتنظيفهم يوم في الإسبوع
3) قد ايش تقعدي بطلاء أظافر مشوه؟
مستحيل. أفضل اني أشيل المناكير كله ولا أقعد بمناكير مشوه.
4) قد ايش تؤجلي شراء أو استبدال مستحضر بالرغم من مدى حاجتك إليه ؟
ما أقدر أصبر كثير على طول أشتريه.
5) ايش هي أسوأ عادة جمالية لكِ؟
الاستحمام بالموية الساخنة لأنها تجفف الجلد وتنزع الزيوت الطبيعية من البشرة وتسبب التجاعيد.
6) سمي حاجة غير متعلقة بالجمال دايماً تؤجليها؟
دكتور الأسنان. دايماً أختلق لي أعذار عشان ما أروح. من جد رعب :*(
7) لمن مخططة تخرجي ، هل تستعدي من بدري ولا في آخر لحظة؟
أحب أستعد بدري وأجهز الأشياء اللي محتاجتها قبل الوقت المحدد.
8) تقدري تلتزمي بفكرة انك تمنعي نفسك من النزول للسوق و الشرا؟
عادي عندي إني ما أنزل السوق بس ما أقدر أمنع نفسي من الشراء من النت >> صرت مدمنة :(
9) قد ايش مجموعة مكياجك و مناكيراتك مرتبة؟
للأسف ما هي مرتبة أبداً. دايماً أشن هجوم عليها وأرتبها بس بعد يومين ترجع أسوأ من قبل.
10) أطول فترة قعدتِ فيها بدون ماتكتبي بوست عالبلوق تبعك؟
أسبوعين. أحاول دايماً أنتظم في الكتابة بس أحياناً تجيني ظروف تمنعني.
اختار:
♥♥♥♥♥
Posts
0 comments:
Post a Comment